FULL TIME巳經一個月
我巳經過左全職攝影生活有一個月時間，lee個月我養成左一個習慣.....就係比巳前夜訓好多，好多時都要兩三點先有睡意，但我亦幾喜歡深夜既時間因為比我一個好安靜既感覺，我通常都會用lee個時間去睇下相同寫下blog咁。特然回想起一年前既DM會係好多晚上都睇好多自己喜愛攝影師(香港及海外)既作品，亦好希望可以有一日自己亦可以拍出自己都覺得滿意既相，最近有幸認識左好幾位婚禮攝影師，有經驗比我多相影得比我好比我靚，亦有好似我咁arm arm出黎做full time既攝影師。係佢地身上我真係學到好多野，令我對婚禮攝影lee個行業更加了解，但同時亦令我明白到無論係幾時都要抱住一個不斷進步求改變既心，先可以係lee行得到更多人認同，我唔敢講DM第時會好多人認識.....佢影d相會好靚等等....但我想我可以做就係影好我既相...........好我發完up風，希望下次再有感巳發既時候唔會悶親大家XDD
聽日要做mabel新機既model我要去訓了...zzzzz
7 則留言:
hello, 我都係做關於wedding 嘅野的...make up 同Deco 我都做咗好幾年，而我而家希望轉型做wedding planner。我都好似你咁，鍾意夜晚睇下人地d blog 同埋有關wedding 嘅野:)，就係咁見到你個blog，我都好鍾意d相呀。最surprise 係响你blog 度見到一個我好喜歡的攝影師....跟住仲見到多一個添....哈哈.... 係呀... 第一個係Simon，我係响一個偶然機會下見到佢d相.. impress 到而家...第二個係Lawerence, 我好多次出job都碰到佢，我地暫時未有機會交談過...不過佢總會好nice咁同我打招呼的. 恭喜你全職做wedding 行業呀...如果你唔介意可唔可以講下點解會做呢行? 我想知多d，thanks a lot! 互勉之!
仲有一句想講....找到了!找到我想找的了!...um 可唔可以多一句呀...真的真的希望有機會合作!
Sally多謝您既留言，Simon 同Lawrence都係我喜愛既攝影師佢地既相都會令人留下好深既回憶。講返我點解會入行，其實都係同好多人一樣，由影朋友婚禮開始影下影下咁，再加上自己本身工作不太順利....咁所以就開始我full time攝影既生活了 。
多謝您呀~大家一齊努力，希望黎緊會有機會合作啦!
Dm，
我也很開心有機會認識你！在香港，我最欣賞的攝影師是Lawerence，然後是Simon 及CM，他們實在有太多地方值得我們去學習。我十分讚同你說無論係幾時都要抱住一個不斷進步求改變既心！我也認為同行可以多些交流、互相學習！從上次跟你與Kennth 交流中，我也得益不少！我覺得你很有潛質！無論相的風格及對攝影的熱誠！我相信你不出兩年內，將會成為香港很出名的攝影師，你也會成為我所喜愛的攝影師之一，甚至與我們喜愛的攝影師齊名。
Raychui:
您太過獎我啦~大家一齊努力吧!希望下次再有機會出黎再同您地交流下影相心得 ^.^
太夜訓要小心身體ar !
我反而比以前早訓 ,怕習慣了之後. 早起就好辛苦的啦 :p
tony:
Thx~我會小心身體! ^.^
發佈留言