祖祖您講咩呢...

有時執相睇相都會攪到好夜都未訓，但好彩我唔係一個人，好多時祖祖都會陪我佢一見我起身就會跟出跟入係咁同我講野.......其實佢講咩???我諗都係想要食多餐啦XDD

• 祖祖:快d比多餐我食呀lee排d伙食好差.....XYZ...XYZ.....

• 雪櫃都唔放過........

dm@simon home

我地今日去探Simon既BB佢真係好得意難怪Simon個樣係甜到呢........XDDDD我地當然仲有大談影相經啦...(傾到差d收唔到口XDD)，希望Simon唔會覺得我地多野講啦XDD，今日既見面o係simon身上有好大得著，仲有就係發現原來您同mabel對婚禮攝影既睇法完來係咁arm key XDDD

• 下次我唔渣機呀!影到我個頭好大個呀@.@

• 幾靚女(•^.^•)

Mariah Carey - Bye Bye

Lee幾星期成日都係我部ipod repeat，真係好鐘意佢lee隻專輯同大家分享下~我都加左落去DM Music ^.^

dm@taiwan slideshow

因為我影得相對比較多相，所以我做個slideshow我諗您地會睇得開心d~希望您地會鐘意! ^.^

Mabel LOMO下的台灣之旅

最近Mabel熱愛左LOMO，不但買左部機佢仲上網睇好多有關資料，當中我地對應用上都仲係有少少問題，希望用多d會好d，其實佢玩LOMO對我都有一個幾大既啟發XDDD，好似我影開相好易就會比某d框框限住，覺得某d環境係唔可以這樣又唔可以那樣咁，所以今次mabel玩LOMO除左佢玩得開心之餘就連我都有所得著，同大家分享下佢既作品。

您會唔會買呢

講左好耐會出既3G iphone終於出啦，大約會係今年七月會到香港，最吸引係今次個定價係US$199起，而且速度仲要比第一代更快!!睇黎我都又要換機啦~XDDD詳情可以click落去睇apple網頁。

去機場前的半個鐘

三日既台灣之旅真係過得好快.......上次黎巳經係兩年多前既事lu。親係上機前半個鐘就寫下blog，今次我地一行六人真係玩得好開心，真正係食到飽，行到累買到夠同訓到死......XDDDD，lee幾日都算係咁law，靜係得上機前lee三個鐘係落雨，所以咪坐係starbuck寫blog law....，相就影得好少jar......因為掛住買同食XDD，但放心啦都應該滿足到大家既。

LOMO

d相當然係由宋大師(mabel)出手啦，今次d相佢係影slide同用e沖c既方法沖晒，顏色真係唔同晒。
對於好似我lee d影左相一段時間既人黎講LOMO真係比到d影相既新意念我，可以令我係我個影相框框走了出黎，發覺有d相唔係一定要好似我巳前咁影........又比我係大師身上學到野！

dm去旅行

聽日我地會去台灣玩幾日，一黎親有假期二黎親lee一兩個月job比較少就出去refresh下自己再加上巳經搵好自己既放向，今次一定玩得好開心hehe!我會帶埋notebook過去，所以如果有咩問題可以send email比我(info@dmwedding.com)，我返到酒店就可以覆得到，我9th晚(星期一)就會返~~SEE YOU!! 　等睇靚相啦!! v^.^v

我......RESIGN左

今日我終於掛起個勇字係心口......resign左我一份巳經做左八年既工，所以黎緊我將會係FULL TIME做攝影既工作，都講解返我本身係做雜誌既Graphic Design唔經唔覺lee份工一做就做左成八年.....其實當中都有好多朋友及同行都問過我會唔會轉全職，但我一路都覺得未係時候，一黎係DM冇咩人識XDD二黎係覺得自己咁年黎都係慣左有一份穩定既工作....如果一時要自己轉變怕會唔習慣。

但除住婚禮攝影比我既滿足感真係越黎越大，但相反我份工就.....(算吧啦！下減一千字.....XDD)，我諗個個都應該會識得揀，其實諗返轉頭我可以做到一份自己好鐘意既工作我真係幾幸運，需然未知夠唔夠開飯XDD(請大家多多支持^.^)但起碼我做得開心同滿足ma。所以黎緊我可以投放更多時間係DMwedding度，希望可以有更好既反應啦!

係lee道我想特別多謝兩個人：
一個唔洗講就梗係Mabel啦，佢真係比左好多支持同意見我，老實講我真係一個唔識做生意既人，所以lee方面佢真係幫左我好多好多。
第二個就係Lawrence Tsang，早兩晚同您傾計中真係有好多得著，您既欣賞同鼓勵我會記住的!!多謝您！

好啦！黎緊我就係一個全職既攝影師，希望大家多多指教同比多d意見我^.^